http://www.facebook.com/deep.zirvi.5
ਇੱਕ ਪਾਸੇ ਸ਼ਹਿਨਾਈਆਂ ਮੁਲਕਾ ,
ਇੱਕ ਪਾਸੇ ਤਨਹਾਈਆਂ ਕਿਓਂ .
ਜੇ ਤੂੰ ਲ੍ਭੇੰ ਰੱਬਾ, ਪੁਛਾਂ,
" ਕਾਣੀਆਂ ਵੰਡਾਂ ਪਾਈਆਂ ਕਿਓਂ "
ਢਿੱਡ ਨੂੰ ਝੁਲਕਾ ਦੇਵਣ ਇੱਕ ਤੇ,
ਟੁੱਕਰ ਲੂਣ ਡੁਬੋ ਕੇ ਵੇਖ ;
ਇਕ੍ਣਾ ਨੂੰ ਦਏਂ ਮੁਰਗ-ਮੁਸਲ੍ਲਮ ,
ਏਨੀਆਂ ਬੇ-ਪ੍ਰ੍ਵਾਹੀਆਂ ਕਿਓਂ .
ਇਕਨਾ ਦੇ ਤਨ ਪਾਟੇ -ਝੱਗੇ ਵੀ ਨਹੀਂ ,
ਲੜ੍ਫਾਂ ਲਥੀਆਂ ਨੇ ,
ਇਕਨਾ 'ਹੇਠਾਂ- ਉੱਤੇ' ਰੇਸ਼ਮੀ ਪਹਿਰਨ ,
ਲੇਫ਼ -ਤਲਾਈਆਂ ਕਿਓਂ
ਇਕਨਾ ਪੱਲੇ ਸੋਗ ਸਦੀਵੀ ,
ਝੋਰੇ ਝੂਰਦੇ ਓਹ ਹਰ ਵੇਲੇ ;
ਇਕਨਾ ਦੇ ਲੇਖੀਂ ਰਾਜ ਚਿਰੋਕਣਾ ,
ਇਹ ਦੱਸੀਂ ਮਨ-ਆਈਆਂ ਕਿਓਂ ?
ਵਿਹੜਿਆਂ ਵਾਲੇ ਵੰਡੇ ਭੰਡੇ ਛੰਡੇ;
ਡੰਡੇ -ਝੰਡੇ ਨਾਲ .
ਰਾਠਾਂ, ਰਾਠ ਪੁਣੇ ਦੀਆਂ ਲਾਸਾਂ ,
ਵਿਹੜਿਆ ਪਿੰਡੇ ਪਾਈਆਂ ਕਿਓਂ
ਦੀਪ ਜ਼ੀਰਵੀ
No comments:
Post a Comment