ਹਰ ਕਿਸੇ ਇਲੇਕ੍ਸ਼ਨ ਵਿਚ ਜਿੱਤਨ ਤੇ ਹਾਰਨ ਵਾਲੇ ਹਰ ਕਿਸੇ ਦੇ ਨਾਮ

ਹਰ ਕਿਸੇ  ਇਲੇਕ੍ਸ਼ਨ ਵਿਚ ਜਿੱਤਨ ਤੇ ਹਾਰਨ ਵਾਲੇ "ਹਰ ਕਿਸੇ "ਦੇ ਨਾਮ
------------------------------

--------------------------------
ਜਨਤਾ ਸਬ ਕੁਝ ਜਾਣਦੀ,ਸਭ ਕੁਝ ਜਾਨਣ ਹਾਰ
ਦੇਂਦੀ ਹੈ ਕਦੀ ਹਾਰ ਇਹ ,ਪਾਉਂਦੀ ਹੈ ਕਦੀ ਹਾਰ .

ਫੁੱਲਾਂ ਵਾਲੇ ਹਾਰ ਪਾ ,ਸਮਝੋ ਜਨਤਾ ਨੂੰ ਭਾਰ .
ਜਨਤਾ ਵੀ ਝੱਟ ਪਲਟ ਕੇ ,ਦੇ ਦੇਂਦੀ ਹੈ ਹਾਰ .

ਜਿੱਤਣਾ ਜਿੱਤ ਨਿਓਂ ਜਾਵਣਾ ,ਫਿਰ ਵੀ ਦੇਵੇ ਜਿੱਤ .
ਜਿੱਤਣਾ ਜਿੱਤ ਭੁੱਲ ਜਾਵਣਾ ,ਕੌਣ ਰਹੁ ਫਿਰ ਮਿੱਤ.

ਜਨਤਾ ਨੂੰ ਜਨਤਾ ਸਮਝ ਜੋ ਜਾਣੈ ਹਰ ਭੇਦ .
ਨੇਤਾ ਜਨਤਾ ਨਾਲ ਨੇ ,ਜਨਤਾ ਨਹੀਂ ਕੋਈ ਖੇਡ .

ਤਖਤ ਬਿਠਾਵੇ ਆਮ ਜਨ , ਓਹਿਓ ਧੱਕੇ ਬਾਹਰ .
ਗੁਪਤ ਮੰਤਰੀ 'ਲੋਕਤਾ -ਏਕੇ' ਵਿੱਚ ਹੀ ਜਾਹਰ.

"ਵਾਦੇ ਤੋੜਨ ਵਾਸਤੇ"; ਜੇ ਨੇਤਾ ਮਨ ਫੇਰ ;
ਜਨਤਾ ਵੀ ਕਰ ਦੇਂਵਦੀ ;ਸ਼ੇਰਾਂ ਨੂੰ ਫਿਰ ਜ਼ੇਰ.  

ਜਿਤ ਨੂੰ ਹਾਰ ਚ ਬਦਲਦੀ ,ਹਾਰ ਬਣਾਵੇ ਜਿੱਤ ;
ਮਿੱਤ ਜਨਤਾ ਦੇ ਹੋ ਰਹੋ ,ਜਨਤਾ ਰਹੁ ਗੀ ਮਿੱਤ .

ਦੀਪ੍ਜ਼ੀਰਵੀ