ਬੰਦੇ ਕੋਲੋਂ ਡਰਦਾ ਹੁਣ ਤਾਂ ਬੰਦੇ ਦਾ ਪਰਛਾਂਵਾਂ ਮਾਂ!
ਵਾੜਾਂ ਹੁਣ ਤੇ ਭੁੱਲੀਆਂ ਜਾਪਣ ,ਖੇਤਾਂ ਦਾ ਸਰਨਾਵਾਂ ਮਾਂ!
ਗੁਰੂ-ਬਾਣੀ ਨੂੰ ਮੰਨਦੇ ਨਾ ਜੋ ਓਹੋ ਅਕਸਰ ਕਹਿੰਦੇ ਨੇ,
'ਮਾਇਆ ਮੋਮੋਠੱਗਣੀ ਨੂੰ ਮੈਂ ਬਾਹਲਾ ਮੂੰਹ ਨਾ ਲਾਵਾਂ', ਮਾਂ!
ਅਕਸਰ ਵੇਖਿਐ,ਘੋਖਿਐ,ਜਾਚਿਐ;ਮੰਨੀ ਮਨ ਦੀ ਲੋਕਾਂ ਨੇ;
ਖੁਦਗਰਜ਼ੀ ਸੰਗ ਹਰ ਇੱਕ ਜੀ ਜਿਓਂ ਲੈ ਬੈਠਾ ਹੈ ਲਾਂਵਾਂ, ਮਾਂ!
ਸੁਰ ਦੀ ਲੋਥ,ਤੇ ਸੋਗੀ ਸਰਗਮ, ਸਭਿਆਚਾਰ ਦਾ ਸੱਥਰ,ਆਹ;
ਐਨਾ ਬੋਝ ਮੈਂ ਦਿਲ ਤੇ ਲੈ ਕੇ, ਕੀ ਲਿਖ'ਦਾਂ ਕੀ ਗਾਂਵਾਂ ਮਾਂ!
ਚਾਰੇ ਪਾਸੇ ਵਗੇ ਹਨੇਰੀ ਅਤੇ ਹਨੇਰਾ ਗੂੜ੍ਹਾ ਏ;
ਫਿਰ ਵੀ ਸ਼ੂਕਦੇ ਨ੍ਹੇਰ ਸਾਹਮਣੇ ,ਹਰਦਿਨ ਦੀਪ ਜਗਾਵਾਂ ,ਮਾਂ
ਦੀਪ ਜ਼ੀਰਵੀ
No comments:
Post a Comment