ਦੋਹੇ

ਦੋਹੇ 

ਇਸ਼ਕ ਨਾ ਵੇਖੇ ਮੰਤਰੀ ;ਰਾਜਾ,ਰੰਕ ਫਕੀਰ ,

ਇਸ਼ਕ ਵਜਾਵੇ ਵੰਝਲੀ ,ਗਾਵੇ ਰੂਹ ਦੀ ਹੀਰ .

ਅਹੁਦੇ ਦਸ ਜੋ ਹੋੰਵ੍ਦਾ ,ਇਸ਼ਕ ਦਾ ਕਾਰੋਬਾਰ ;

ਇਸ਼ਕ ਕਹਾਵੇ  ਮੂਲ ਨਾਂ ਓਹ ਹੈ ਬਸ ਵਿਓਪਾਰ .

ਸਿਦਕ ਸਬਰ ਸੰਤੋਖ ਸੰਗ ,ਸਾਬਤ ਕਦਮੀ ਤੋਰ.

ਇਸ਼ਕ ਮੇਰੇ ਦੀ ਲੋਰ ਨੇ ;ਮੈਨੂੰ ਬਖਸ਼ੀ ਲੋਰ .

ਮੇਰੇ ਇਸ਼ਕ ਸਕੂਲ ਦੀ , ਉਸਤਾਨੀ ਹੈ 'ਜਾਨ'

ਸਾਹ ਸਾਹ ਰਗ ਰਗ ਰਮ ਰਹੀ ,ਓਹਿਓ ਹਰਪਲ ਜਾਣ.

ਓਹਦੇ ਮੇਰੇ ਦਰਮਿਆਨ; ਹੈਂ ਨਹੀਂ ਕੋਈ ਵਿਥ ;

 ਓਹ ਦਿਲ ਤੇ ਧੜਕਨ ਓਹੀ; ਓਹੀ ਸਾਹ ਸਾਹ ਵਿੱਚ.

ਓਹਦਾ ਡਾਹਢਾ ਕਰਮ ਹੈ ;ਕੀਤਾ ਮੈਂ ਕੁਝ ਨਾਂ 

ਡਾਂਵਾਂ- ਡੋਲ ਸੀ ਫਿਰ ਰਿਹਾ ;ਓਸੇ ਪਕੜੀ ਬਾਂਹ .

--------------------------

ਮੇਰੇ ਅੰਦਰ ਜਾਗਦਾ ਮੇਰੇ ਤੋਂ ਵਖ ਕੌਣ 

ਰਾਤ ਦਿਨੇ ਹੈ ਚੀਕਦਾ ,ਅੰਤਰਮਨ ਦਾ ਮੌਨ .

ਪ੍ਰੇਮ ਪਿਆਲਾ ਮਿਲ ਗਿਆ ,ਪੀਵਾਂ ਅੰਦਰ ਹੋ;

ਦੋ ਨੈਨਾ ਵਿੱਚ ਪ੍ਰੀਤਮਾ ਤੈਨੂ ਲਵਾਂ ਲੁਕੋ .

ਸਰਦੀ ਗਰਮੀ ਮੇਘਲਾ ,ਪਤਝੜ ਅਤੇ ਬਹਾਰ;

ਤੇਰੇ ਸੰਗ ਨੇ ਸੋਭਦੇ ,ਤੇਰਾ ਕਰਨ ਸਿੰਗਾਰ.

ਤੂੰ ਤੇ ਤੂੰ ਹੈਂ ,ਮੇਚ ਦੀ ਤੇਰੇ ਨਾ ਕੋਈ ਕ੍ਰਿਤ ;

ਤੇਰੇ ਚੂਲੀਓੰ ਜਲ ਮਿਲੇ ,ਚਾਹਵਾਂ ਨਾਂ ਅਮ੍ਰਿਤ .

ਜਗਤ ਤਮਾਸ਼ਾ ਵੇਖਦਾ ਆਪ ਤ੍ਮਾਸ਼ਾਬੀਨ;

ਇੱਕੋ ਖਸਲਤ ਹਰ ਜਗਹ ਹਿੰਦ ਅਰਬ ਯਾ ਚੀਨ . 

ਦੀਪ੍ਜੀਰਵੀ 

9815524600