ਨੀਂਦ ਸੁਹਾਨੀ ਗਈ ਗਵਾਤੀ;
ਇਸ਼ਕ ਨੇ ਐਸੀ ਲਾਈ ਚੁਆਤੀ
.
ਦਿਨੇ ਖਿਆਲਾਂ ਦੇ ਵਿੱਚ ਜੋ ਹੈ ,
ਸੁਫਨੇ ਦੇ ਵਿੱਚ ਓਹੀਓ ਰਾਤੀ .
ਦੀਦ ਸੁਵੱਲੀ ਆਹਮੋ ਸਾਹਵੇਂ
ਨਾ ਰਾਤੀ ਜੇ,ਨਾ ਪ੍ਰਭਾਤੀ .
ਮੇਰੇ ਜੀਵਨ ਦਾ ਹੱਕ ਤਾਂ ਹੈ ;
ਮੇਰੀ ਸਿੱਕ ਜੇ ਓਹਦੀ ਛਾਤੀ .\
ਵਸਲਾਂ ਵਾਲਿਓ ,ਵਸਲ ਮੁਬਾਰਕ ;
ਹਿਜਰ ਯੁਗਾਂ ਤੋਂ ਮੇਰੇ ਸਾਥੀ .
ਅਜਮਾਂਦੇ ਨੇ ਸਾਂਵਲੇ ਸੱਜਣ;
ਬਿੰਦੇ ਝੱਟੇ ਗੱਲੀਂ ਬਾਤੀ .
ਓਹਨੂ ਦੱਸਿਆ ਦੀਦੇ ਲੋੜਨ ;
ਸ਼ਾਮ ਸਲੋਨੀ ਓਹਦੀ ਝਾਤੀ .
ਪਰਖੀ ਜਾਂਦੈ ਸਾਂਵਲ ਮਾਹੀ;
ਸ਼ਾਮ੍ਸਵੇਰੇ ਦਿਨੇ ਤੇ ਰਾਤੀ .
ਦਿਨ ਚੜਦੇ ਨੂੰ ਨਜਰ ਨਾ ਆਵੇ ;
ਕਰੇ ਕਲੋਲਾਂ ਸਾਰੀ ਰਾਤੀ
-ਦੀਪ ਜੀਰਵੀ 9815524600
No comments:
Post a Comment