ਇੱਕ ਦਰਖਾਸਤ

ਇੱਕ ਦਰਖਾਸਤ {ਗਜਲ-ਉਸਤਾਦਾਂ ਸਨਮੁਖ }{ਕਿਰਪਾ ਕਰਕੇ ਦਰਖਾਸਤ ਦੇ ਨੁਕਤਾ-ਏ -ਨਿਗਾਹ ਨਾਲ ਤ੍ਕ੍ਕਿਓ -ਗਜ਼ਲ ਵਾਲੀਆ ਬਰੀਕੀਆਂ ਵੱਲ ਨਾ ਜਾਇਓ)
-----------------------------------------------
ਅਨਾ ਸਿਰ ਚਾੜ੍ਹ ਨਾ ਬੈਠੋ ;ਗਜਲ ਖਾਤਿਰ ਖੜੋ ਸਾਰੇ .
ਗਜਲ ਫੁਲਵਾਡੀਓਂ ਗੁੰਚੇ ਚੁਣੋ ,ਗੁਲਦਾਨ ਕਰੋ ਪਿਆਰੇ .

ਬਹਿਰ ਦੀ ਹੈ ਸਮਝ ਜਿਸ ਨੂੰ ਲੁਕਾਵੇ ਨਾ ਛਿਪਾਵੇ ਨਾ .
ਭੁਲਾ ਕੇ ਹਾਓੰ ਚਲੋ ਸਭ ਨੂੰ ਗਜ਼ਲ- ਸ਼ੈਦਾ ਕਰੋ ਸਾਰੇ .

ਰਤਾ ਸੋਚੋ ਜਦੋਂ ਵੀ ਮਤ ਕੋਈ ਮਠ ਬਣ ਗਿਆ ਕਿਧਰੇ  ;
ਗਿਆ ਕੀ ਹਾਲ ਹੋ ਉਸਦਾ ,ਵਿਚਾਰੀਂ ਇਹ ਧਰੋ ਸਾਰੇ .

ਬਣਾ ਕੇ ਮਠ, ਮਠਾਂ ਤੇ ਨਾਗ ਵਾਂਗਰ ਮਾਰ ਕੇ ਗੁਛੀ ;
ਗਜ਼ਲ ਤੇ ਵੀ ਲਗਾ ਪਹਰਾ ਨਹੀਂ ਪਰਦਾ ਧਰੋ ਸਾਰੇ

ਗਜ਼ਲ ਸਭ ਦੀ ਚਹੇਤੀ ਬਣ ਸਕੇ ਗੀ ਕਿਸ ਤਰਾਂ ਸੋਚੋ ;
ਜਦੋਂ ਸੌੜੇ ਸਵਾਰਥਾਂ ਵਾਲੜੇ ਕੈਦੇ ਪੜ੍ਹੋ ਸਾਰੇ .

ਬੜੇ ਉਸਤਾਦ ਬੈਠੇ ਨੇ ਗਜ਼ਲ ਦੀ ਬਜ਼ਮ ਵਿੱਚ ਫੱਬ ਕੇ;
ਚਲੋ ਉਸਤਾਦ ਲੋਕੋ ਗਜ਼ਲ ਤੇ ਅਹਸਾਨ ਕਰੋ ਸਾਰੇ .

ਬੜਾ ਗੁਸਤਾਖ ਹੈ ਜੋ ਲੋਚਦਾ ਹੈ ਗਜ਼ਲ ਨੂੰ ਸਹਿਜੇ ;
ਕਰੋ ਸੰਗ -ਸ਼ਾਰ ਆਵੋ ਦੀਪ ;ਮੱਤ ਝਿਜਕੋ ਡਰੋ ਸਾਰੇ

ਦੀਪ ਜ਼ੀਰਵੀ