ਜਿਸ ਨੇ ਗਜ਼ਲ ਗੋਈ ਦੀ ਖਾਤਿਰ ਸੋਚੀ ਹੋਵੇ ਕਲਮ ਉਠਾਣੀ....

ਬਿਨਾ ਲਹਿਰ ਦੇ ਬਿਨਾ ਬਹਿਰ ਦੇ ਹੋਈ ਗਜ਼ਲ ,ਸੁਣੀ ਨਾ ਜਾਣੀ
ਗਜ਼ਲ ਚਮੇਲੀ ,ਗਜ਼ਲ ਚਾਂਦਨੀ ,ਗਜ਼ਲ ਸਰਾਂ ਦਾ ਨਿਰਮਲ ਪਾਣੀ .

ਡੋਬੂ ਦੇਂਦੇ ਗਜ਼ਲ ਨੂੰ ਲੋਕੀਂ,ਗਜ਼ਲ ਗੋਈ ਗੋ' ਖੇਡ ਹੈ ਜਾਣੀ ;
ਨੇਮੋੰ ਬੇ-ਨੇਮੇਂ ਹੋ ਆਖਣ:ਅਸੀਂ ਕਦੇ ਬੰਦਿਸ਼ ਨਾ ਜਾਣੀ .

ਗਜ਼ਲੇ ਨੀ ਸੁਨ ਗਜ਼ਲ-ਮਲੂਕੇ ,ਗਜ਼ਲੇ ਸੁਣ ਲਾਡਾਂ ਵਿੱਚ ਪਲੀਏ;
ਤੇਰੇ ਸ਼ੈਦਾ ,ਤੇਰੇ ਆਸ਼ਿਕ ,ਤੇਰੇ ਬਿਸਮਿਲ ,ਅਣਗਿਣ ਜਾਣੀ .

ਆਸ਼ਿਕ-ਸੂਫੀ-ਰਿੰਦ,ਹਕੀਕੀ ;ਤੇਰੀ ਛੋਹ ਪਾ ਪਾ ਤਰ ਜਾਣੇ ;
ਲੱਜਤ ਮਾਨੂੰ ਤੇਰੀ ਓਹੀ,ਜਿਸ ਨੇ ਤੇਰੀ ਜਾਤ ਪਛਾਨੀ .

ਜਗਤ ਪਸਾਰਾ ਲਿਆ ਕਲਾਵੇ ,ਪੈਰ ਭੋੰ ਤੇ ਸਿਰ ਆਕਾਸ਼ੀਂ;
ਜਲ-ਥਲ-ਨਭ-ਪਾਤਾਲ ਦੇ ਕਣ ਕਣ,ਤੂੰ ਫੁਲਕਾਰੀ ਸੁਹਜ ਦੀ ਤਾਣੀ .

ਘਸੇ-ਘ੍ਸਾਏ ਵਿਸ਼ੇ ਵਰਤਣੇ ,ਵਰਤ ਕੇ ਦੀਪ ਵੇ ਗਜ਼ਲ ਬਨਾਣੀ;
'ਸੋਚ' , ਸੋਚ ਵਿੱਚ ਡੁੱਬੀ ਸੋਚੇ ,ਕਿੱਦਾਂ ਸੁਲ੍ਝੂ ਉਲਝੀ ਤਾਣੀ .

ਨੇਤਰੋੰ ਨੂਰ ,ਜਿਗਰ ਚੋਂ ਰੱਤ ਲਏ;ਧੜਕਨ ਤੋਂ ਲਯ-ਤਾਲ ਲਵੇ 'ਓਹ'
ਜਿਸ ਨੇ ਗਜ਼ਲ ਗੋਈ ਦੀ ਖਾਤਿਰ ਸੋਚੀ ਹੋਵੇ ਕਲਮ ਉਠਾਣੀ.

ਦੀਪ ਜੀਰਵੀ
9815524600

--
deepzirvi
9815524600
http://chitravli.blogspot.com/

http://www.facebook.com/deep.zirvi.5