ਗਜ਼ਲ

ਗਊ ਸ਼ਾਲਾ  ਦੇ ਹੁੰਦਿਆਂ-ਸੁੰਦਿਆਂ;ਸੜਕਾਂ ਉੱਤੇ ਗਾਵਾਂ ਕਿਓਂ ;

ਪੁੱਤ ਧੀਆਂ  ਦੇ ਹੁੰਦਿਆਂ -ਸੁੰਦਿਆਂ ਅਵਾਜਾਰ ਕਈ ਮਾਂਵਾਂ ਕਿਓਂ ?.

ਜੇ ਛਾਵਾਂ ਦੀ ਲੋੜ ਤੁਹਾਨੂੰ ਕਿਓਂ ਪਏ ਬੂਟੇ ਵੱਢਦੇ ਹੋ;

ਜੇ ਵਢਣੇ ਹਨ ਬੂਟੇ;ਭਲਿਓ! ਲੋਚਦੇ ਹੋ ਫਿਰ ਛਾਵਾਂ ਕਿਓਂ .?

ਨੇੜ -ਭਵਿਖ ਦੀ ਮਾ ਨੂੰ ਹੱਥੀਂ ਕੁਖੀਂ ਕਤਲ ਕਰ ਛੱਡੋ ;

ਸ਼ੇਰਾਂ ਵਾਲੀ ਦੇ ਦਰ ਵਾਲੀਆਂ ਗਾਹੁੰਦੇ ਹੋ ਫਿਰ ਰਾਹਵਾਂ ਕਿਓਂ ?

ਦਲ ਤੇ ਰਾਜ ਨਹੀ ਸੀ ਓਹਦਾ ;ਓਹ ਤਾਂ ਦਿਲਾਂ ਦਾ ਰਾਜਾ ਹੈ ;

ਭਗਤ ਸਿੰਘ ਸਰਦਾਰ ਦੇ ਮੂਹਰੇ, ਤਾਹਿਓਂ  ਸੀਸ ਝੁਕਾਵਾ ਇਓਂ ?

ਮੈਨੂ ਕਿਸ਼ਤੀ ਸਾਲਮ ਰਖਨੀ ਆਓਂਦੀ ਹੈ ਮੈਂ ਰੱਖ ਲਾਂਗਾ;

ਮੇਰੀ ਕਿਸ਼ਤੀ ,ਮੇਰੇ ਚੱਪੂ ;ਗੈਰਾਂ ਹੱਥ  ਫੜਾਵਾਂ ਕਿਓਂ

ਉਸਦੇ ਮੇਰੇ ਨਾਤੇ ਵਾਲੀ ਗੱਲ ਦੱਸ ਦਾ ਵਾਂ ;ਦੱਸਿਓ ਨਾ ;

ਸੀਤਲ-ਜ੍ਲ  ਓਹ,ਮੈਂ    ਤਿਰਹਾਇਆ ; ਓਹਦਾ ਸੰਗ ਨਾ ਚਾਹਵਾਂ ਕਿਓਂ

ਦੀਪ ਜੀਰਵੀ

--
deepzirvi
9815524600
http://chitravli.blogspot.com/

http://www.facebook.com/deep.zirvi.5