ਸਾਹ ਸਾਹ ਉੱਤੇ ਭਰੇ ਯਾਰ ਨੇ ਮੇਰੇ ਨਾਂ ਦੇ ਵਰਕੇ...

ਟਿਕੀ ਚਾਨਣੀ ਰਾਤ ਓਹ ਮੇਰੀ ਛਾਤੀ ਤੇ ਸਰ ਧਰਕੇ ;
ਹੌਲੀ ਹੌਲੀ ਬਾਤਾਂ ਪਾਵੇ ,ਕੰਨ ਕੋਲੇ ਮੂੰਹ ਕਰ ਕੇ .


ਓਹਦੀਆਂ ਜੁਲਫਾਂ ਦੀ ਖੁਸ਼ਬੋਈ ਲੂੰ ਲੂੰ ਨੂੰ ਨਸ਼ਿਆਵੇ;
ਜਾਪੇ ਓਹਦੇ ਅੰਗੀਂ  ਰੱਬ ਨੇ ਭੇਜਿਆ ਸੰਦਲ ਭਰ ਕੇ

ਨਿਘਾ ਮਿਠਾ ਨਾਤਾ ਮੋਹ ਦਾ ਜੋੜਿਆ ਓਸ ਨੇ ਐਸਾ ;
ਭੁੱਲ ਚੱਲਿਆ ਮੈਂ ਹੁਣ ਤੱਕ ਜੀਵਿਆ ਹਾਂ ਕੀਕਣ ਮਰ-ਮਰ ਕੇ

ਚਾਨਣੀ ਵੀ ਸੰਗ ਸੰਗ ਕੇ ਛੋਹੇ ,ਜਿਸਮ ਯਾਰ ਮੇਰੇ ਦਾ  ;
ਮਤੇ ਓਹਦੀ  ਛੋਹ ਯਾਰ ਦੇ ਪਿੰਡੇ  ਲੜ ਜੇ ਛਾਲਾ   ਕਰ ਕੇ. .

ਓਹਦੇ ਬੁੱਕਲ ਵਿੱਚ ਹਰ ਸੰਝ ਤੋਂ ਸਰਘੀ ਤੋੜੀ ਹੋਵਾਂ ;
ਸਰਘੀ ਵੇਲੇ ਓਹ ਦਿਲ -ਖੋਹਣਾ ਖਵਰੇ ਕਿਧਰ ਸਰਕੇ.

ਸਾਹਵਾਂ ਵਾਲੀ ਆਵਾਗਵਨ ਹੀ ਮੁਲਕਾ ਜੀਵਨ ਨਹੀਓਂ ;
ਸਾਹ ਸਾਹ ਉੱਤੇ ਭਰੇ ਯਾਰ ਨੇ ਮੇਰੇ ਨਾਂ ਦੇ ਵਰਕੇ.
ਦੀਪ ਜ਼ੀਰਵੀ  

--
deepzirvi
9815524600
http://chitravli.blogspot.com/

http://www.facebook.com/deep.zirvi.5