ਕਦੇ ਕਿਸੇ ਹਥਿਆਰ ਬਣਾਇਆ ਕੁੜੀਆਂ ਨੂੰ'
ਕਦੇ ਕਿਸੇ ਵਿਓਪਾਰ ਬਣਾਇਆ ਕੁੜੀਆਂ ਨੇ .
ਵਾਹਵਾ ਵਿਕਦੀ ਹੋ ਜਾਊ ਗੀ ਪੁਸਤਕ ਵੀ,
ਕਦੇ ਕਿਸੇ ਪ੍ਰਚਾਰ ਬਣਾਇਆ ਕੁੜੀਆਂ ਨੂੰ .
ਕੁੜੀਆਂ ,ਕੋਮਲ ਭਾਵੁਕ ਮਨ ਦੀਆਂ ਹੁੰਦੀਆਂ ਨੇ ,
ਤਦੇ ਕਿਸੇ ਸ਼ਿਕਾਰ ਬਣਾਇਆ ਕੁੜੀਆਂ ਨੂੰ .
ਆਖਣ :ਦੁਰਗਾ -ਚੰਡੀ-ਸੁਰਸਤੀ -ਮਾਂਕਾਲੀ ;
ਨਾ ਕਿਸੇ ਸੁੱਚਜੀ ਨਾਰ ਬਤਾਇਆ ਕੁੜੀਆਂ ਨੂੰ .
ਆਪਣੇ ਅੰਦਰੋਂ ਹਿਰਸੀ ਮਰਦ ਨੂੰ ਮਾਰਿਆ ਨਾਂ ,
ਕੁੱਖਾਂ ਅੰਦਰ ਮਾਰ ਮੁਕਾਇਆ ਕੁੜੀਆਂ ਨੂੰ .
'ਮਰਜਾਣੀ' ਤੋਂ ਬਾਝ ਨਾ ਅੰਮੜੀ ਹਾਕ ਦਏ ;
ਖਵਰੇ ਕਾਹਤੋਂ ਹੈ ਛੁਟਿਆਇਆ ਕੁੜੀਆਂ ਨੂੰ .
ਸੱਚੇ ਰੱਬ ਨੇ ਰੱਬ ਦੀ ਸਹੁੰ ਚਾਨਣ ਖਾਤਰ ,
ਕਰ 'ਖਲਕਤ ਦਾ ਦੀਪ' ਘ੍ਲਾਇਆ ਕੁੜੀਆਂ ਨੂੰ
--
deepzirvi
9815524600
No comments:
Post a Comment