...ਕੌਣ

 ਮੇਰੇ ਦਿਲ ਨੂੰ ਮੇਰੇ ਦਿਲਬਰ ਦੱਸੀਂ ਤਾਂ ਸਮਝਾਵੇ ਕੌਣ 

ਮੱਚਦਾ ਹਿਰਦਾ ਤੇਰੇ ਬਾਝੋਂ ਦੱਸੀਂ ਤਾਂ ਠੰਡ ਪਾਵੇ ਕੌਣ.

ਬਾਲ ਨਿਆਣੇ ਵਾਂਗਰ ਅਥਰਾ  ਪਿਆ ਰਿਹਾੜੇ ਰਹਿੰਦਾ ਏ ;

ਤੇਰੇ ਬਾਝੋਂ ਇਸ ਅਥਰੇ ਨੂੰ ਦੱਸੀਂ ਤਾਂ ਸਮਝਾਵੇ ਕੌਣ .

ਤੇਰੀ ਮੇਰੀ ਸਾਂਝ ਸਦੀਵੀ ,ਸਾਂਝ ਪੁਰਾਣੀ ਜਨਮਾਂ ਦੀ ;

ਤੂੰ ਇਹ ਸਮਝੇਂ ,ਮੈਂ ਇਹ ਸਮਝਾਂ ,ਦੁਨੀਆਂ ਨੂੰ ਸਮਝਾਵੇ ਕੌਣ ..

ਸਖਣਾ ਸੀ ਦਿਲ ਤੇਰੇ ਬਾਝੋਂ ,ਸਖਣਾ ਮੇਰਾ ਜੀਵਨ ਭੀ ;

ਤੇਰੀ ਥਾਂ ਤੇ ਤੂੰ ਸੀ ਤੂੰ ਹੈਂ ,ਤੇਰੀ ਥਾਂ ਭਰ ਪਾਵੇ ਕੌਣ .

ਤੇਰੀ ਤੱਕਣੀ ਧੁਰ ਅੰਦਰ ਤਕ ਲਹਿੰਦੀ ,ਲਹਿ ਰਹਿ ਜਾਂਦੀ ਏ ;

ਇਸ ਤਕਨੀ ਬਿਨ ਮੇਰੀ ਰੂਹ ਨੂੰ ਤੂੰ ਹੀ ਦੱਸ ਨਸ਼ਿਆਵੇ ਕੌਣ .

ਦੇਵੀ ਨਹੀਂ ਤੂੰ ,ਦਾਸੀ ਨਹੀਂ ਤੂੰ .ਸਾਥੀ ਏ ਬੱਸ ਸਾਥੀ ਏ;

ਮੇਰੀਏ! ਮੇਰੀ ਏ ਤੂੰ ਤੁਧ ਬਿਨ ਦੱਸ ਮੇਰੀਏ ਅਪਨਾਵੇ ਕੌਣ ..

ਕੋਮਲ ਤੇਰੀ ਛੋਹ ਨੇ ਸਜਨੀ ਸੱਜਣ ਦਾ ਮੌਕਾ ਦਿਤਾ;

ਇਸ਼ਕ ਦੀ ਰਾਹ ਤੇ ਵੈਸੇ ਝੱਲੀਏ ਦੱਸੀਂ ਤਾਂ ਸੱਜ ਪਾਵੇ  ਕੌਣ 

-ਦੀਪ ਜ਼ੀਰਵੀ   

http://www.facebook.com/deep.zirvi.5