ਕੁੰਡਲੀਆ ਛੰਦਾਂ ਦੀ ਚੰਗੇਰ ਕਰਤਾ :ਦੀਪ ਜੀਰਵੀ

ਬਾਬਲ  ਵੇ  ਤੂ  ਬਾ-ਬਲ  ਕਿਓ ,ਅਬਲਾ  ਕਿਓ  ਹੈ  ਮਾਤ . 

ਰੱਬ   ਸੱਚੇ  ਨੇ  ਸਿਰਜ 'ਤੀ,ਇੱਕ   ਹੀ  ਮਾਨ੍ਸਜਾਤ

ਇੱਕ  ਸੀ  ਮਾਨਸ -ਜਾਤ ,ਪਏ  ਹੁਣ  ਭਰਮ -ਭੁਲੇਖੇ .

ਰੰਗ ,ਵਰਨ  ਤੇ  ਲਿੰਗ ,ਹਰ  ਕੋਯੀ  ਭੇਦ  ਕੇ  ਵੇਖੇ 

ਵੇਖੇ  ਅਜਕਲ  ਕੌਣ ..ਜ਼ਹਨ  ਕਿਸਦਾ  ਹੈ  ਕ਼ਾਬਲ .

ਲਾਠੀ ,ਵੋਟ ਤੇ  ਨੋਟ ,ਜੋ  ਰਖੇ ਓਹ  ਅੱਜ  ਬਾ -ਬਲ 

ਦੀਪ੍ਜ਼ੀਰਵੀ 9815524600

-0-
ਮੇਰੇ ਦੇਸ਼ ਦਾ ਲੀਡਰ ਉੱਤੇ ਭੋਰਾ ਨਾ ਇਤਬਾਰ ;

ਚਰ੍ਦੈ ਚਾਰਾ ਚਰੀ ਗਵਾਰਾ ,ਬੰਦੇ ਦੇੰਦੈ ਚਾਰ .

ਬੰਦੇ ਦੇੰਦੈ ਚਾਰ .ਇਹ ਕਰਦੈ ਘਾਲੇ -ਮਾਲੇ ,

ਇੱਕ ਹਥ ਕਰਦੈ ਦਾਨ,ਤੇ ਦੂਜੇ ਹਥ ਉਧਾਲੇ .

ਵੇਚਣ ਕਫਨ-ਸਮਾਨ ,ਬੜੇ ਇਹਨਾ ਦੇ ਜੇਰੇ ;

ਰੱਬ ਜੀ ਨੇ ਰਖਵਾਲ ,ਕਿ ਹੁਣ ਤਾਂ ਮੁਲਕ ਦੇ ਮੇਰੇ

--

ਵੋਟਰ ਵਸਤੀ ਵੱਸਦੈ,ਡਾਹਢਾ ਸੀਤ-ਸੁਭਾ ;
ਆਪਣੇ ਨੰਗੇ ਫੱਟ ਤੇ ,ਜੋਕਾਂ ਲਵੇ ਲਵਾ .
ਜੋਕਾਂ ਲਵੇ ਲਵਾ ,ਪੀਂਦੀਆਂ ਰੱਤ ਜੋ ਸਾਰਾ .
ਇਨਕਲਾਬ ਦਾ ਵੀ ,ਲਗਾਵੇ ਗੱਜ ਕੇ ਨਾਰਾ
ਇਸੇ ਦੀ ਰੱਤ ਹੀ ,ਚਲਾਵੇ ਸੱਤਾ-ਮੋਟਰ ;
ਨੀਹੀ ਚਿਨਵਾਏ, ਨਜਰ ਨਹੀਂ ਅਓਦੈ ਵੋਟਰ  

-0-

ਦੇਵੇ ਤਾਂ ਮੌਲਾ ਦਵੇ ,ਸਭ ਨੂੰ ਰਿਜਕ ਅਧਾਰ .

ਬੰਦਾ  ਨਾ  ਦੇ  ਪਾਂਵਦਾ ,ਏਨਾ ਅਪਰ ਅਪਾਰ .

ਏਨਾ ਅਪਰ ਅਪਾਰ,ਪਸਾਰਾ ਓਸੇ ਦਾ ਹੈ .

ਓਸੇ ਦਾ ਹੈ ਲਾਭ ,ਖਸਾਰਾ ਓਸੇ ਦਾ ਹੈ .

ਛੱਲੇ -ਮੁੰਦੀਆਂ 'ਸਭ' , ਤੇ ਅੰਦਰ ਉਸ ਦੇ ਥੇਵੇ

ਦੇ ਨਾ ਪ੍ਛੋਤਾਏ ;ਦਵੇ ਤਾਂ ਮੌਲਾ ਦੇਵੇ

-0-

ਰੰਗ   ਬਿਰੰਗੇ ਲੋਕ ਨੇ ,ਵੰਨ-ਸੁਵੰਨੇ ਰਾਗ;
ਕੁਝ ਕਬੂਤਰ ਚੀਨੜੇ,ਕੁਝ ਨੇ ਘਾਘ ਤੇ ਬਾਜ਼ .
 ਕੁਝ ਨੇ ਘਾਘ ਤੇ ਬਾਜ਼  ਅਤੇ ਕੁਝ ਮੀਸਣੇ ਬਾਹਲੇ ,
ਅੰਦਰ ਘੁੱਪ ਹਨੇਰ ,ਤੇ ਜਿਹਨਾਂ ਅੰਦਰ ਜਾਲੇ.
ਨਾ ਪੁਖਤਾ ਰਦੀਫ਼ ,ਜਿਨਾਂ ਦਾ ਸਦਾ ਕਾਫੀਆ ਤੰਗ
ਗਿਰਗਿਟ ਨੂੰ ਸ਼ਰਮਾਂ ਦੇਂਦੇ ਬਦਲਣ ਐਸੇ ਰੰਗ

--

ਨੈਨ ਮਮੋਲੇ ਸ਼ਰਬਤੀ ,ਰੇਸ਼ਮ ਰੇਸ਼ਮ ਕੇਸ .
ਅਤਰਾਂ ਜਾਇਆ ਵੱਸ ਗਿਆ ,ਜਾ ਕੇ ਹੁਣ ਪਰਦੇਸ .
ਜਾ ਕੇ ਹੁਣ ਪਰਦੇਸ ,ਭੁਲਾਇਆ ਅਸਲੋਂ ਸਾਨੂੰ
ਓਬੜ੍ਹ ਹੋ  ਗਿਆ ਓਹ,  ਆਖਦਾ ਸੀ ਜੋ 'ਜਾਨੂ'

ਜੀਵਨ ਗੁਜਰੂ ਜਾ ਕਦੋਂ , ਘਟਦੀ ਨਾ ਜਦ  ਰੈਣ 

ਮੇਲੇ ਨੈਨ ਜਦੋਂ ਦੇ ,ਨਹੀਂ ਲੱਗਦੇ ਜੇ ਨੈਣ

--

कुत्ता एक अमीर क़ा ए.सी . कार में जाय;

बच्चा एक गरीब क़ा धूपहिं तन झुलसाय.

धूपहिं तन झुलसाय.पावै तबहिं वह रोटी ;

ठोकर दर दर खाय ,गरीब के जिगर की बोटी.

रैन दिवस कर जोड़ ,मौन रह खावै जुत्ता

ता के भाग्य से ,बड़े भाग्य वाला वा कुत्ता  

--

deepzirvi

9815524600