ਤੇਰੀ ਤਸਵੀਰ ਦੀ ਤਾਸੀਰ ਵੇਖੀ
ਬਣੀ; ਵਿਗੜੀ ਮੇਰੀ ਤਕਦੀਰ ਵੇਖੀ .
'ਬਰਕ ' ਦੇਖੀ ਤੇਰੀ ਮਦਮਸਤ ਤੁਰਣੀ;
ਕਤਲ ਦੀ ਮੈਂ ਜਿਵੇਂ ਤਦਬੀਰ ਵੇਖੀ .
ਜ਼ੁਲ੍ਫ਼-ਕੁੰਡਲ ਖਿਲਾਰੇ ਤੂੰ ਜ਼ਬੀ ਤੇ;
ਭਵਾਂ ਅੰਦਰ ਲੁਕੀ ਸ਼ਮਸ਼ੀਰ ਵੇਖੀ .
'ਲਬਾਂ' ਦੀ ਸਿਫਤ ਇੰਜ ਕਰ ਸਕਦਾ ਮੈਂ ਤਾਂ ;
ਗੁਲਾਬਾਂ ਦੀ ਲਿਖੀ ਤਹਿਰੀਰ ਵੇਖੀ .
ਉਹ ਮੈਂ ਦੋ ਨੈਣ ਕੁਝ ਸਪਨੀਲੇ ਵੇਖੇ ;
ਅਤੇ ਨੈਣਾਂ ਦੇ ਵਿਚ ਇੱਕ ਝੀਲ ਵੇਖੀ .
ਸੁਰੀਲੀ ਰਾਗਨੀ ਜਿਓਂ ਬੋਲ ਤੇਰੇ ;
ਨਸ਼ੀਲੀ ਚਾਂਦਨੀ ਤਸਵੀਰ ਵੇਖੀ .
ਜਦੋਂ ਵੀ ਮੈਂ ਤੇਰਾ ਹੈ ਖਵਾਬ ਤੱਕਿਆ ;
ਬਣੀ ਤੂੰ 'ਦੀਪ' ਸੰਗ ਖੰਡ ਖੀਰ ਵੇਖੀ
--
ਦੀਪ ਜ਼ੀਰਵੀ 981552460
--
No comments:
Post a Comment