ਦੀਪ ਜੀ ਆਪਾਂ ਕਲਮ ਚਲਾਈਏ ਕੀਹਦੇ ਲਈ

ਦੀਪ ਜੀ ਆਪਾਂ ਕਲਮ ਚਲਾਈਏ ਕੀਹਦੇ ਲਈ
ਕਵਿਤਾ ਲਿਖੀਏ ਗਜਲ ਸੁਨਾਈਏ ਕੀਹਦੇ ਲਈ .

ਲੋਕੀਂ ਘੇਸਲੇ ਮਚਲੇ ਖਚਰੇ ਦੋ ਨਸ੍ਲੇ
ਇਹਨਾਂ ਨੂੰ ਦੱਸ ਫੇਰ ਜਗਾਈਏ ਕੀਹਦੇ ਲਈ?

ਟੋਏ ਟਿੱਬੇ ਅਜਲਾਂ ਤੋਂ 'ਸੀ' 'ਨੇ' 'ਰਹਿਸਨ'
ਆਪ ਸੁਹਾਗਾ ਯਾਰ ਚਲਾਈਏ ਕੀਹਦੇ ਲਈ ?

ਜਾਗਰੂਕਤਾ ਮਤਲਬ ਅੱਖਰ ਗਿਆਨ ਨਹੀਂ ,
ਸਮਝ ਕੇ ਨਾ ਸਮਝਣ ,ਸਮਝਾਈਏ ਕੀਹਦੇ ਲਈ ?

ਸੁੰਦਰਤਾ ਦਾ ਮਾਣ ਹੁਸੀਨਾਂ ਨੂੰ ਹੋਵੇ ,
ਆਪਾਂ ਆਪਣਾ ਮਨ ਲਲ੍ਚਾਈਏ ਕੀਹਦੇ ਲਈ?

ਨਾਗਾਂ ਨੇ ਕੁਰਸੀ ਤੇ ਬਹਿਣਾ ਮੇਲਣਾ ਹੈ ;
ਆਪਾਂ 'ਸਾਵੇ' ਸਿਆਹ ਕਰਾਈਏ ਕੀਹਦੇ ਲਈ?

ਬਿਫਰੀ ਫਿਰਦੀ 'ਕਾਲੀਬੋਲੀ' ਅੰਨ੍ਹੀ ਹੋ ,
ਆਪਾਂ ਭੋਰਾ ਖੋਫ਼ ਜੇ ਖਾਈਏ ਕੀਹਦੇ ਲਈ?

ਹਾਰ ਨੂੰ ਕੁਝ ਨਾਂ ਬਾਕੀ ਜਿੱਤਨ ਨੂੰ ਸਭ ਹੈ ,
ਨਾ ਸਮਝਣ ਜੋ ,ਫੇਰ ਸੁਣਾਈਏਕੀਹਦੇ ਲਈ?

"ਦੀਪ ਜੀ " ਨ੍ਹੇਰਾ ਮੁੱਕਣਾ ਨਹੀਂ ਤੇ ਨ੍ਹੇਰੀ ਹੈ ,
ਸੋਚਾਂ ਸੋਚੀਏ;ਫਿਰ ਬਹਿ ਜਾਈਏ!ਕੀਹਦੇ ਲਈ!?
ਦੀਪ੍ਜੀਰਵੀ

--
deepzirvi9815524600
http://nanhi-minni.blogspot.com/
http://darveshdeep.blogspot.com/
http://chitravli.blogspot.com/
http://wearenotlabrats.blogspot.com/
http://humboleygatobologaykiboltahai.blogspot.com/
http://shabdadiloa.blogspot.com/
http://sahilparbhat.blogspot.com/
http://deepkavyaanjli.blogspot.com/
http://deeepzirvi.wordpress.com/